Al Hilal yambuwe igikombe cya Shampiyona nyuma yo kurenga ku mategeko
Ikipe ya Al Hilal SC yambuwe Igikombe cya Shampiyona ya Sudani cya 2025/26 nyuma yo guhamwa no kurenga ku mategeko agenga umubare w’abakinnyi b’abanyamahanga bemerewe kujya mu kibuga, bituma igikombe gihabwa mukeba wayo Al Merrikh SC.
Iki cyemezo cyafashwe nyuma y’umukino wa nyuma wabaye ku wa 10 Nyakanga 2026, wari warangiye Al Hilal itsinze Al Merrikh igitego 1-0 cyatsinzwe na Emmanuel Flomo, ihita yizihiza kwegukana igikombe.
Nyuma y’umukino ariko, Al Merrikh yaregeye Ishyirahamwe ry’Umupira w’Amaguru muri Sudani (SFA), ivuga ko Al Hilal yakinishije abakinnyi umunani b’abanyamahanga, mu gihe amategeko ya shampiyona yemera batanu gusa.
Akanama Nkemurampaka ka SFA kasuzumye icyo kirego, kemeza ko Al Hilal yarenganye ku mategeko ,kahise kayihanisha gutsindwa uwo mukino ibitego 2-0 ndetse kayambura amanota atatu yari yabonye.
Ibyo byatumye Al Merrikh isoza imikino ya kamarampaka ifite amanota 21, ifata umwanya wa mbere inegukana Igikombe cya Shampiyona, mu gihe Al Hilal yagumye ku manota 18 isubira ku mwanya wa kabiri.
INDI NKURU WASOMA : U Rwanda rutejwe impungenge n'ibura ry'amazi
Nubwo yafatiwe ibi bihano, ubuyobozi bwa Al Hilal bwatangaje ko butemera umwanzuro wafashwe, buvuga ko urwego rwawufashe rutari rubifitiye ububasha. Iyi kipe yatangaje ko igiye kujuririra inzego zisumbuyeho kugira ngo ishake ubutabera.
Ibitekerezo