Imwe mu mibare yavuye muri CECAFA Kagame Cup 2026
CECAFA Kagame Cup 2026 yasojwe Rayon Sports FC yegukanye igikombe, nyuma y'irushanwa ryakinwe n'amakipe yagaragaje guhangana gukomeye kuva mu matsinda kugeza ku mukino wa nyuma.
Mu mikino 22 yabaye muri iri rushanwa, habonetse ibitego 54, bingana n'impuzandengo y'ibitego 2.45 kuri buri mukino.
Muri rusange uko Amakipe yakinnye
Mu mikino yose, habonetse intsinzi 8 z'amakipe yakiriye imikino (kuri affiche ikipe iba igaragara iburyo) mu gihe imikino 3 yarangiye ari kunganya. Amakipe yakinnye hanze yo yegukanye intsinzi 11 (kuri affiche ikipe iba igaragara ibumoso) umubare uruta uw'amakipe y'iwabo.
Ibi bigaragaza ko gukinira hanze bitabujije amakipe kwitwara neza muri CECAFA Kagame Cup y'uyu mwaka.
Ku rundi ruhande, ubwugarizi bwagize uruhare rukomeye muri iri rushanwa, kuko habonetse clean sheets 15 mu mikino 22.
Gor Mahia yanditse intsinzi iruta izindi
Umukino wagize itandukaniro rinini kurusha indi ni uwahuje APR FC na Gor Mahia FC, aho Gor Mahia yatsinze APR FC ibitego 5-0.
Uyu mukino ni na wo wabonetsemo ibitego byinshi kurusha indi yose, kuko habonetse ibitego 5.
Umusaruro wa 2-1 ni wo wagaragaye kenshi kurusha indi, kuko wagaragaye inshuro 5 muri iri rushanwa.
Al Hilal na Rayon Sports zitwaye neza imbere y'izamu
AL Hilal SC na Rayon Sports FC ni yo makipe yatsinze ibitego byinshi muri CECAFA Kagame Cup 2026, aho buri imwe yatsinze ibitego 9.
Ku rundi ruhande, Simba SC ni yo yagaragaje ubwirinzi bukomeye kurusha andi makipe hashingiwe ku mibare y'ibitego yinjijwe, kuko yinjijwe igitego kimwe gusa.
Abatsinze ibitego byinshi
Urutonde rw'abakinnyi batsinze ibitego byinshi rwasize abakinnyi batatu basangiye umwanya wa mbere.
Djibril Ouattara, Mathew Tegisi na Ansumana Samura buri umwe yatsinze ibitego 3.
Aba bakinnyi ni bo barangije irushanwa bari ku isonga mu gutsinda ibitego.
Amakipe yakomeje muri 1/2 cy'irangiza
Nyuma y'imikino y'amatsinda, amakipe ane yabonye itike yo gukomeza ni:
Gor Mahia FC – Itsinda A
Jamus SC – Itsinda B
Rayon Sports FC – Itsinda C
AL Hilal SC – Itsinda C, nk'ikipe yabaye iya kabiri yitwaye neza kurusha izindi (best loser)
Aya makipe ni yo yakomeje guhatanira igikombe, mbere y'uko Rayon Sports FC isoza urugendo rwayo yegukanye igikombe.
Rayon Sports yasoje iri ku isonga
Nyuma y'imikino yose, Rayon Sports FC ni yo yegukanye CECAFA Kagame Cup 2026.
Iri rushanwa ryasojwe rimaze gukinwamo imikino 22, hakabonekamo ibitego 54, mu gihe impuzandengo y'ibitego yari 2.45 kuri buri mukino.
Ku mibare, intsinzi zo hanze (11) zarushije iz'amakipe yakiniraga imbere y'abafana bayo (8), mu gihe imikino 3 yarangiye nta kipe itsinze.
CECAFA Kagame Cup 2026 yasize Rayon Sports FC ari yo ifite igikombe, Al Hilal SC na Rayon Sports zikaba ari zo zatsinze ibitego byinshi, mu gihe Djibril Ouattara, Mathew Tegisi na Ansumana Samura basangiye umwanya wa mbere mu gutsinda ibitego.
Ibitekerezo