Neymar yasezeye burundu mu Ikipe y'Igihugu ya Brazil
Umunya-Brazil, Neymar Jr, yatangaje ko asezeye burundu gukinira Ikipe y'Igihugu ya Brazil, nyuma y'uko isezerewe mu Gikombe cy'Isi cya 2026 itsinzwe na Norvège ibitego 2-1 muri 1/8 cy'irangiza.
Uyu mukinnyi w'imyaka 34 yinjiye mu kibuga asimbuye, atsinda penaliti mu minota y'inyongera, ariko ntiyabasha gukuraho intsinzi ya Norvège yari yamaze kwandika amateka yo kugera muri 1/4 cy'irangiza.
Nyuma y'umukino, Neymar yatangaje ko uru ari rwo rugendo rwe rwa nyuma mu mabara y'igihugu cye, agaragaza amarangamutima menshi.
Yagize ati: "Naragerageje. Naragerageje uko nshoboye. Byatangiriye hano kuri MetLife Stadium, kandi ni na ho birangiriye. Byose birarangiye."
Aya magambo yashyize akadomo ku rugendo rw'imyaka 16 Neymar yari amaze akinira Brazil, aho asize ari we mukinnyi wayitsindiye ibitego byinshi mu mateka, nyuma yo gutsinda ibitego 80 no gutanga imipira 59 yavuyemo ibitego mu mikino 130 yakinnye.
INDI NKURU WASOMA : Ubushakashatsi: 77% by'abagabo bo mu Rwanda bahohotewe n'abagore babo baryumaho
Nubwo atigeze yegukana Igikombe cy'Isi, Neymar yagize ibihe byiza mu Ikipe y'Igihugu, birimo gutwara Igikombe cya FIFA Confederations Cup mu 2013 ndetse no gufasha Brazil kwegukana umudali wa zahabu mu Mikino Olempike ya Rio de Janeiro mu 2016.
Ibitekerezo