Rayon Sports yasinyishije rutahizamu ukomoka muri Centrafrique
Ikipe ya Rayon Sports yakomeje ibikorwa byo kwiyubaka yitegura umwaka w'imikino wa 2026/27, itangaza ko yamaze gusinyisha rutahizamu Boris Gbenou ukomoka muri Repubulika ya Centrafrique.
Uyu mukinnyi w'imyaka 22 y'amavuko yamenyekanye ku mugoroba wo kuri iki Cyumweru, tariki ya 5 Nyakanga 2026, binyuze ku mbuga nkoranyambaga z'iyi kipe, aho yatangajwe nk'umukinnyi mushya wa Gikundiro.
Boris Gbenou akina anyuze ku mpande z'ubusatirizi, akaba yasinye amasezerano y'imyaka ibiri. Yanakiniye Ikipe y'Igihugu ya Repubulika ya Centrafrique y'abatarengeje imyaka 22, ndetse ageze muri Rayon Sports ari umukinnyi udafite ikipe yari abarizwamo.
Uyu abaye umunyamahanga wa gatandatu iyi kipe iguze muri iri soko ry'igura n'igurisha ry'abakinnyi. Asanze abandi bashya barimo Issa Djiguiba wo muri Mali, Ibrahim Djingarey wo muri Niger, Antonio Atisso Kodjo wo muri BĂ©nin, Charles Tchouplaou wo muri Tchad na Matumona Wakonda Kanda wo muri Repubulika Iharanira Demokarasi ya Congo.
INDI NKURU WASOMA : Papa Leo XIV yasabye u Burayi kongera ubufasha ku bimukira
Ku ruhande rw'abakinnyi b'Abanyarwanda, Rayon Sports yamaze kongeramo Ndayishimiye Didier, Nshuti Didier, Nisingizwe Christian, Nkundimana Fabio, Nizeyimana Mubarak na Muhoza Daniel.
Ibitekerezo