Rwanda Premier League: Rayon Sports ikomeje gutakaza amanota, Amagaju atungura Police FC
Kuri uyu wa Gatandatu, tariki ya 4 Mata 2026, shampiyona y’u Rwanda yakomeje hakinwa imikino y’umunsi wa 24. Ibintu byakomeje kuba bibi kuri Rayon Sports yongeye kunganya, mu gihe Police FC yo yacyuye umubabaro ivuye i Nyamagabe.
Rayon Sports mu bihe bitoroshye
Ikipe ya Rayon Sports (Gikundiro) yakomeje urukurikirane rw’umusaruro utari mwiza, aho yanganyije ubusa ku busa (0-0) n’ikipe ya Gicumbi FC. Uyu ni umukino wa kane wikurikiranya Rayon Sports inganyije (havuyemo umukino yateye mpaga Gasogi United), ibintu bitangiye gutera impungenge abafana bayo dore ko ikomeje gusigwa n’amakipe bahanganiye igikombe nka APR FC na Al Hilal.
Amagaju yerekanye ko i Nyamagabe ari mu birindiro
Ikipe y’Amagaju FC yatsindiye mu rugo Police FC ibitego 2-1, mu mukino wari utegerejwe na benshi. Police FC yagerageje kugaruka mu mukino ariko imigambi yabo iburizwamo n’ubwugarizi bw’Amagaju bwari buhagaze neza uyu munsi.
Uko imikino y’uyu munsi yagenze (Results):
Nk'uko tubikura ku imbuga za Rwanda Premier League, uku niko imikino y'uyu munsi 4/04/2026 yarangiye:
Amagaju FC 2 - 1 Police FC
Bugesera FC 3 - 0 Etincelles FC
Al Merrikh 0 - 0 Rutsiro FC
Urutonde rw’agateganyo (Standings - Top 5):
Nyuma y’imikino yabaye uyu munsi, dore uko amakipe akurikirana mu myanya y’imbere:
Urutonde ku mikino 26
1. Al Hilal 54 Pts (-2)
2. APR FC 49 Pts (-1)
3. Al Merreick 49 Pts (-1)
4. Rayon Sports 43 Pts
5. Kiyovu Sports 42 Pts 42 Pts
Amafoto: Rwanda Premier League X account https://x.com/RwandaLeague
Ibitekerezo