Trump yinjijrije muri Crypto  arenga miliyari y'Amadolari mu mwaka wa mbere agarutse ku butegetsi
Perezida wa Leta Zunze Ubumwe za Amerika, Donald Trump, yatangaje ko mu mwaka wa mbere agarutse muri White House yinjije arenga miliyari imwe y'Amadolari ya Amerika binyuze mu bucuruzi butandukanye, by'umwihariko ubushingiye ku mafaranga y'ikoranabuhanga (cryptocurrency).
Raporo y'umutungo wa Trump yo mu 2025 igaragaza ko yinjije miliyoni 635 z'Amadolari avuye ku ifaranga rya "Trump meme coin", nubwo agaciro karyo kagabanutse cyane nyuma y'iminsi mike rishyizwe ku isoko.
Yanatangaje kandi ko yinjije asaga miliyoni 500 z'Amadolari avuye muri World Liberty Financial, sosiyete ikora ibijyanye n'ifaranga ry'ikoranabuhanga yashinzwe n'abahungu be hamwe n'abana ba Steve Witkoff, intumwa ye yihariye.
Uretse ubucuruzi bw'ikoranabuhanga, Trump yakomeje kwinjiza amafaranga menshi mu mitungo itimukanwa, ibibuga bya Golf ndetse no mu bicuruzwa byitiriwe izina rye birimo amasaha, Bibiliya, inkweto, imibavu n'ibindi.
Nubwo bamwe bavuga ko ibyo bikorwa bishobora guteza amakimbirane hagati y'inshingano ze za Perezida n'inyungu ze bwite, White House yabihakanye yivuye inyuma.
Trump, wari warigeze kunenga Bitcoin mu 2021 ayita "uburiganya" ndetse "ikintu gishobora guteza ibibazo", yahinduye imvugo ubwo yiyamamazaga mu 2024, asezeranya ko Amerika izaba umurwa mukuru w'isi mu bijyanye n'ifaranga ry'ikoranabuhanga.
Nyuma yo kongera gutorerwa kuyobora igihugu, yasinye amategeko agamije gushyigikira iterambere ry'uru rwego, anashyiraho abayobozi bashyigikira inganda za cryptocurrency.
Â
Ibitekerezo