Umunyamakuru Hitimana wa Radio/TV10 agiye kurushinga na Ida
Umunyamakuru w'imikino akaba n'Umuyobozi wa Radio kuri Radio/TV10, Hitimana Claude wamamaye nka Hit, n'uwahoze ari umunyamakuru kuri iki kigo, Ishimwe Adelaide uzwi nka Ida, bashyize iherezo ku byari bimaze igihe bivugwa ku mubano wabo, batangaza ko bagiye kurushinga.
Aya makuru yamenyekanye kuri uyu wa Gatanu, tariki ya 3 Nyakanga 2026, nyuma y'uko Adelaide ashyize ku mbuga nkoranyambaga ubutumwa buherekejwe n'itariki y'ubukwe bwabo.
Yanditse ati: "Intangiriro y'ubuziraherezo kuri twembi." Ubu butumwa bwahise bwakirwa neza n'inshuti, abo bakorana ndetse n'abakunzi babo, babifuriza kuzagira urugo ruhire.
Amakuru y'ubukwe bw'aba bombi aje nyuma y'iminsi mike Adelaide asezeye kuri Radio/TV10, aho yari amaze imyaka ine akorera.
Muri icyo gihe yakoranaga bya hafi na Hitimana mu kiganiro cy'imikino Urukiko rw'Imikino, kimwe mu biganiro byakunzwe n'abakurikira siporo mu Rwanda.
INDI NKURU WASOMA : U Rwanda rwanenze raporo yakozwe na Loni
Nubwo bombi bari basanzwe bazwi nk'abo bakorana, ntibari barigeze batangaza ku mugaragaro iby'urukundo rwabo. Itangazo ryashyizwe hanze kuri uyu wa Gatanu ni ryo ryemeje ko umubano wabo ugeze ku rwego rwo kubaka urugo.
Biteganyijwe ko Hitimana na Adelaide bazasezerana ku wa 5 Nzeri 2026
Ibitekerezo