Cristiano Ronaldo yahagaritswe iminsi 30 nyuma yo kuva mu mwiherero wa Portugal
Cristiano Ronaldo, kapiteni w’ikipe y’igihugu ya Portugal, yahanishijwe guhagarikwa iminsi 30 no kwishyura amande y’amayero 255, angana na pound 215, nyuma yo kuva mu mwiherero w’iyi kipe atabiherewe uburenganzira mu kwezi gushize.
Uyu rutahizamu w’imyaka 41 ukinira Al-Nassr yo muri Arabie Saoudite, yavuye mu ikipe ya Portugal muri Nzeri 2026, nyuma yo kutakinnye umukino batsinzwemo na Noruveje, akaza kumenya ko atazabanza mu kibuga mu mukino na Denmark wo ku wa 1 Ukwakira.
Ronaldo yasobanuye ko yafashe iki cyemezo nyuma y’uko umutoza Jorge Jesus atubahirije ibyo bari bumvikanyeho inshuro ebyiri, ibintu yavuze ko byamusigiye igihombo gikomeye cy’icyizere yari amufitiye.
Ishyirahamwe ry’Umupira w’Amaguru muri Portugal (FPF) ryavuze ko mu gufata icyemezo cy’igihano ryazirikanye ukwicuza Ronaldo yagaragaje, uruhare yagize mu mupira w’amaguru n’ibikombe n’ibihembo yegukanye.
Ronaldo kandi yemeye ko yakoze amakosa, asaba imbabazi bagenzi be bakinana n’abafana, anavuga ko akwiriye guhanwa. Mu kwisobanura kwe, yashyikirije komite ishinzwe imyitwarire umwirondoro we urimo ibyo yagezeho n’ibihembo yahawe.
Igihano cye cyatangiriye ku munsi Portugal yakinnye na Denmark, bivuze ko yamaze iminsi 19 agihanishijwe. Ntabwo biteganyijwe ko azasiba indi mikino y’ikipe y’igihugu kubera iki gihano.
INDI NKURU WASOMA :Umukinnyi wa filime Tiger Shroff yarusimbutse
Perezida wa FPF, Pedro Proença, yavuze ko hari icyifuzo gikomeye cyo kongera kubona Ronaldo mu ikipe y’igihugu ikibazo kimaze gukemuka. Umutoza Jorge Jesus na we yasize amarembo afunguye ku izamugarura.
Ronaldo amaze gutsindira Portugal ibitego 146 mu mikino 234, imibare yombi ikaba ari amateka ku rwego rw’amakipe y’ibihugu mu bagabo. Yayifashije kwegukana Euro 2016 n’ibikombe bibiri bya UEFA Nations League.
Ibitekerezo