Umukinnyi wa filime Tiger Shroff yarusimbutse
Umukinnyi wa filime w’Umunya-India, Tiger Shroff, yasimbutse igitero cy’amasasu cyagabwe ku modoka yarimo mu mujyi wa Mumbai, nta gikomere cy’isasu agize, nk’uko Polisi yabitangaje.
Ibi byabaye ku Cyumweru nimugoroba, ubwo Shroff w’imyaka 36 yari mu modoka yavaga ku kibuga cy’umupira w’amaguru giherereye mu gace ka Juhu.
Amashusho yashyizwe ahagaragara n’ibitangazamakuru bitandukanye agaragaza abantu nibura babiri bitwaje imbunda barasa inshuro nyinshi berekeza ku ruhande rw’imbere rw’imodoka, ubwo yagendaga gahoro inyura imbere y’abantu benshi.
Polisi yatangaje ko abantu babiri bakomeretse muri icyo gitero, barimo umushoferi wa Shroff, nk’uko ibitangazamakuru byo mu Buhinde byabitangaje. Iperereza ku cyabaye rirakomeje.
Minisitiri w’Intebe wungirije wa leta ya Maharashtra, Eknath Shinde, aho Mumbai iherereye, yasuye Shroff nyuma y’igitero, avuga ko we na nyina bari bahungabanye.
Shinde yavuze ko ibikorwa byo gutera ubwoba abantu bitazihanganirwa, ashimangira ko inzego z’umutekano zizakora ibishoboka kugira ngo bihagarare.
INDI NKURU WASOMA : Hubatswe ibikorwaremezo byatwaye asaga miliyari 7,4 Frw
Iki gitero cyongeye kuzamura impungenge ku mutekano w’abantu bazwi mu Buhinde. Mu 2024, Polisi yataye muri yombi abantu babiri bakekwagaho kugira uruhare mu gitero cyagabwe ku rugo rw’umukinnyi wa filime Salman Khan. Muri uwo mwaka, umunyapolitiki ukomeye Baba Siddique yarasiwe i Mumbai arapfa.
Tiger Shroff yatangiye gukina filime mu 2014, muri filime y’urukundo yitwa Heropanti. Uretse gukina filime, akunda umupira w’amaguru kandi akina muri Mumbay FC.
Ibitekerezo