Papa Cyangwe yasogongeje album nshya
Umuraperi Abijuru King Lewis uzwi nka Papa Cyangwe yashimishije abakunzi be mu gitaramo yabakoreye i Kicukiro, aho yabumvishije indirimbo zigize album ye nshya yise ‘Never Broke Again’.
Iki gitaramo cyabereye ahitwa After5 Kicukiro mu ijoro ryo ku wa 2 Ukwakira 2026, Papa Cyangwe akaba yari yaherekejwe n’umugore we. Abahanzi barimo Ish Kevin, Okkama, Mistaek n’abandi na bo bari mu bitabiriye ibi birori.
Papa Cyangwe yafashe umwanya wo gususurutsa abakunzi be, anaha umwanya bamwe mu nshuti ze bari baje kumushyigikira, barimo Ish Kevin na Mistaek, na bo bakora ibitaramo bigufi.
Album ‘Never Broke Again’ igizwe n’indirimbo 12, yatangiye gusohoka ku mbuga zicururizwaho umuziki ku wa 28 Nzeri 2026. Ni umushinga yahurijemo abahanzi batandukanye bo mu Rwanda.
INDI NKURU WASOMA : UNILAK yahaye impamyabumenyi abanyeshuri 1,247
Muri izi ndirimbo harimo ‘Indyarya Gusa (Intro)’, ‘Sa’ yakoranye na Marina, ‘Kuki Wabyemeye?’, ‘Nibe Nawe’ yahuriyemo na Yampano na Racine, ‘Twarabikoreye’ na ‘Depression’ yakoranye na Lino G.
Hari kandi ‘Full Package’ yahuriyemo na Logan Joe, ‘Busy’ yakoranye na Elvin Cena, ‘Impundu’ yahuriyemo na Magna Romeo, ndetse na ‘Sempe’ yakoranye na Mistaek, Bushali na Fox Makare.
Album isorezwa n’indirimbo ‘Mbyifuza’ yahuriyemo na Hollix, White Monkey na Hervis Beatz, ndetse na ‘Imbeho Ngo Mutahe’.
‘Never Broke Again’ ibaye album ya gatatu ya Papa Cyangwe nyuma ya ‘Now or Never’ yasohotse mu 2025 na ‘Live and Die’ yasohotse mu 2024. Uyu muraperi afite kandi EP zirimo ‘Sitaki’ na ‘Sazafrika’.
Ibitekerezo